ain.az, Azpolitika.az saytından verilən məlumata əsaslanaraq xəbər yayır.
Britaniya şahzadəsi Harri sentyabrın 12-də Ukraynanın paytaxtı Kiyevə gəlib. Səfərin məqsədi Ukrayna hərbçilərinin reabilitasiyası proqramlarına dəstək göstərməkdir.
Harri bildirib ki, onu Kiyevə “Superhumans” reabilitasiya mərkəzinin rəhbəri Olqa Rudneva dəvət edib. Onlar ilk dəfə bu ilin aprelində Lvovda görüşüblər, daha sonra ABŞ-da təsadüfən rastlaşıblar və Harri ona dəstək təklif edib.
Səfər çərçivəsində şahzadə II Dünya Müharibəsi tarixi muzeyini ziyarət edəcək, veteranlarla və Ukraynanın Baş naziri Yuliya Sviridenko ilə görüşəcək. O qeyd edib ki, Lvovda müharibənin təsirləri az görünür, lakin Kiyev real dağıntıları nümayiş etdirir.
Harri və həyat yoldaşı Meqan Markl 2020-ci ildə krallıq ailəsinin üzvlüyündən imtina etsələr də, müxtəlif ölkələrdə xeyriyyəçilik fəaliyyətini davam etdirirlər. Şahzadənin təşəbbüsü ilə 2014-cü ildən keçirilən “Invictus Games” hərbçilər arasında beynəlxalq idman yarışlarını əhatə edir. Bu fond Ukraynaya reabilitasiya avadanlığı təqdim edir.
“AzPolitika.info”
Daha ətraflı məlumat və yeniliklər üçün ain.az saytını izləyin.
