Tramp Starmerə qəzəblənib

AzVision.az xəbər verir ki, mənbəyə istinad edən “Politico” nəşrinin yazdığına görə, Tramp Mandelsonun işdən hansı formada çıxarılmasından qıcıqlanıb və“onun Böyük Britaniyaya dövlət səfərinə kölgə sala biləcək hər şeydən ehtiyatlanır”.Ağ Ev mümkün qalmaqalın səfər atmosferinə təsir edəcəyindən ehtiyatlanır və tezliklə yeni səfirin təyin olunacağını gözləyir.

“Səfirin səlahiyyətlərinin icrası təcrübəli diplomat Ceyms Roskoya tapşırılıb, lakin o, Böyük Britaniya diplomatiyasında “ən çox arzulanan post” uğrunda sərt rəqabətlə üzləşib. Potensial namizədlər arasında ABŞ-dəki keçmiş səfir Karen Pirs, MI6 kəşfiyyat xidmətinin rəhbəri Riçard Mur və keçmiş Milli Təhlükəsizlik müşaviri Mark Sedvill var”,- qəzet vurğulayır.

Epşteyn işi Britaniyanın ABŞ-dəki səfirini də "yandırdı"

Xatırladaq ki, sentyabrın 11-də Kir Starmer Xarici İşlər nazirliyindən amerikalı maliyyəçi Ceffri Epşteynlə əlaqəsinə görə ABŞ-dəki səfir Peter Mandelsonun mandatına xitam verilməsini xahiş edib. Qərar mediada onların münasibətlərinin yeni təfərrüatlarının dərcindən sonra çıxarılıb.

Epstein-in 50 illik yubileyi üçün hazırlanmış albomdan yeni buraxılmış çıxarışlara Mandelson ilə məktublar və fotoşəkillər də daxildir.

Şəkillərin birində hamam xalatında təsvir olunan gələcək səfir Mandelson uşaq təcavüzü iddiaları və ardınca intihar etməsi ilə tanınan Epşteyn onun“ən yaxşı yoldaşı” kimi xatırlanır. Dərc olunmuş məktubların birində isə Piter Mandelson Epşteynin məhkum edilməsinin ədalətsiz və ona yenidən baxılmalı olduğunu yazıb.

Sahil İsgəndərov
AzVision.az