1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyanın Ulyanovsk vilayətinin Dimitrovqrad şəhərində hüquq-mühafizə orqanlarının əməkdaşları teleaparıcı, Kremlin təbliğatçısı Vladimir Solovyova qarşı sui-qəsd hazırlamaqda şübhəli bilinən şəxsi saxlayıblar.
Bu barədə Oxu.Az Ura.ru-ya istinadən xəbər verir.
Hüquq-mühafizə orqanlarının məlumatına görə, o, 2024-cü ilin aprelindən 2025-ci ilin iyununa qədər Ukrayna xüsusi xidmət orqanlarının göstərişi ilə hazırlıq tədbirləri həyata keçirib. Saxlanılan şəxs Solovyovun hərəkət marşrutları haqqında məlumat toplamaq üçün dəfələrlə Moskvaya səfər edib.
Ulyanovska qayıtdıqdan sonra, istintaqın məlumatına görə, o, müdafiə sənayesi obyektlərinin yerləşdiyi yerlər haqqında məlumat toplamaqla məşğul olub.
