Polşanın Lüblin şəhər prokurorluğu Polşanın hava məkanını pozan pilotsuz təyyarə insidentinə görə cinayət işi açıb.
Qaziler.az xəbər verir ki, bu barədə ölkənin “Gazeta Wyborcza” nəşri məlumat yayıb.
Prokuror İolanta Dembeç bildirib ki, istintaq sentyabrın 9-dan 10-na keçən gecə ölkəyə daxil olan PUA-larla bağlı bütün insidentləri əhatə edir.
Dembeç qeyd edib ki, hava məkanı qaydaları PUA pilotları tərəfindən pozulması nəticəsində olub və bu, təhlükəsizliyə təhlükə yaradıb. O, cinayət məcəlləsinin müvafiq maddələri ilə nəzərdə tutulan sanksiyaların beş ilədək müddətə azadlıqdan məhrumetməni nəzərdə tutduğunu vurğulayıb. Prokuror qənaətə gəlib ki, departament Polşanın bütün regionlarında dron insidentlərini araşdıracaq.
Prokurorluğun məlumatına görə, artıq Lüblin ərazisində 10 pilotsuz təyyarənin qalıqları aşkar edilib. Ümumilikdə, bu günə qədər Polşada 17 pilotsuz təyyarə tapılıb.
QAZİLER.AZ
