Ukraynanın paytaxtı Kiyevdə “Birinci xanımlar və cənablar”-ın 5-ci sammiti keçirilib.
APA xəbər verir ki, Ukrayna prezidenti Volodimir Zelenski özünün “X” hesabında məsələ ilə bağlı təəsüratlarını bölüşüb.
“İlk dəfə olaraq, bu sammit iki gün davam etdi və rekord sayda iştirakçıya ev sahibliyi etdi. Burada birinci xanımlar və cənablar, təhsil nazirləri və onların müavinləri, hörmətli müəllimlər, alimlər, tədqiqatçılar və Nobel mükafatı laureatları da daxil olmaqla 20 ölkədən olan nümayəndələr iştirak etdi.
Bu ilki sammitin mövzusu “Dünyanı formalaşdıran təhsil” idi. Daha çox ən çətin şərait altında təhsil almaq, nəsllərin formalaşmasında müəllimlərin rolu, innovasiyalar və texnologiya ilə əlaqədar müzakirələr aparıldı. Sammitər Avstriya, Danimarka, Estoniya, Litva, Finlandiya, Serbiya və Almaniyanın birinci xanımları və cənabları şəxsən dəstəklərini ifadə etdilər. Bu tədbir olu göstərir ki, müharibə dövründə belə Ukrayna qlobal dialoqun bir hissəsi olaraq qalır", - Ukrayna lideri qeyd edib.
