ABŞ-ın Demokratlar partiyasından Nyu-York merliyinə namizəd Zohran Mamdani bildirib ki, seçiləcəyi təqdirdə İsrailin baş naziri Benyamin Netanyahu şəhərə ayaq basarsa, onu həbs etmək üçün Nyu York Polis Departamentinə göstəriş verəcək.
“İki sahil” xəbər verir ki, “The New York Times” qəzetinə danışan Mamdani bildirib ki, Netanyahu Nyu-Yorka səfər edərsə, o, Beynəlxalq Cinayət Məhkəməsinin (ICC) Netanyahunun həbsinə dair orderi "şərəfləndirəcək" və polisə onu hava limanında saxlamağa göstəriş verəcək.
Hüquq ekspertləri xəbərdarlıq ediblər ki, belə bir hərəkət praktiki olaraq qeyri-mümkün olacaq və federal qanuna zidd ola bilər.
Buna baxmayaraq, Mamdani öz mövqeyini bir daha təkrarlayıb və sözdən geri çəkilməyəcəyini söyləyib: "Bu, yerinə yetirmək niyyətində olduğum bir şeydir. Mənim istəyim buranın beynəlxalq hüququ müdafiə edən bir şəhər olmasını təmin etməkdir".
Qeyd edək ki, Birləşmiş Ştatlar BCM-nin üzvü deyil və onun səlahiyyətlərini tanımır. Prezident Donald Tramp fevral ayında Netanyahuya order verdikdən sonra məhkəməyə qarşı “ABŞ və ya İsrail üzərində heç bir yurisdiksiyaya malik olmadığını” əsas gətirərək tədbirlər tətbiq etdi.
Məhərrəm Ağalaroğlu, “İki sahil”
