“Reuters" xəbər agentliyi Ukrayna dronlarının Rusiya limanı Primorska hücumu ilə bağlı yeni məlumatlar yayıb.
Musavat.com xəbər verir ki, hücum nəticəsində Kusto və Cai Yun adlı iki tanker zərər görüb. Hər iki gəmi Rusiyanın “kölgə donanması”nın üzvü hesab olunur və Seyşel adalarının bayrağı altında qeydiyyatdan keçib, bu, sanksiyalardan yayınmaq üçün geniş yayılmış üsuldur.
Zərbədən sonra Baltik regionunda neft məhsullarının ixracı ilə məşğul olan Primorsk limanı fəaliyyətini müvəqqəti dayandırmağa məcbur olub. Analitiklərin hesablamalarına görə, limanın gündəlik ticarət dövriyyəsi təxminən 100 milyon dollar təşkil edir. Bu isə onu göstərir ki, hətta qısa müddətli dayanma Rusiyanın iqtisadiyyatına ciddi zərbə vurur.
Ekspertlər vurğulayırlar ki, bu hadisə Rusiya ticarət marşrutlarını risk altına qoyur və həmçinin sanksiyalardan yayınmaq üçün istifadə olunan “kölgə donanması”nın həssaslığını nümayiş etdirir.
Bu və gündəmdəki bir çox xəbərləri bu gün saat 13.30-da aparıcı Sevinc Telmanqızının təqdimatındakı “Canlı debat” verilişində müzakirə edəcəyik. Qonağımız təhlükəsizlik eksperti İlham İsmayıldır. Müzakirədə tamaşaçılarımız da iştirak edə bilər.
