Azertag saytından əldə olunan məlumata görə, ain.az məlumat yayır.
Bakı, 13 sentyabr, AZƏRTAC
Qafqaz Müsəlmanları İdarəsinin (QMİ) sədri şeyxülislam Allahşükür Paşazadə sentyabrın 15-də Qazaxıstan Respublikasına səfərə yola düşür.
QMİ-nin mətbuat xidmətindən AZƏRTAC-a bildirilib ki, qardaş ölkəyə zəngin səfər proqramı çərçivəsində şeyxülislam A.Paşazadə sentyabrın 16-da BMT Sivilizasiyalar Alyansı və Astana Qurultayının dini məkanların qorunmasına həsr olunmuş birgə iclasında iştirak və məruzə ilə çıxış edəcək.
Sentyabrın 17-də QMİ sədri Dünya və ənənəvi Dinlərin VIII Astana Qurultayında iştirak və çıxış edəcək. Sentyabrın 18-də baş tutacaq Gənc Dini Liderlərin Forumunda çıxış edəcək şeyxülislam A.Paşazadə gənclərə xitab edərək xeyir-dua verəcək.
Nüfuzlu beynəlxalq dinlərarası dialoq platforması olan Dünya və ənənəvi Dinlərin VIII Qurultayının mövzusu “Dinlərin dialoqu – gələcək naminə sinerji”dir.
Şeyxülislam A.Paşazadə 23 illik tarixə malik Astana Qurultaylarının daimi iştirakçısı və Qurultayın Katibliyinin daimi üzvüdür.
Daha ətraflı məlumat və yeniliklər üçün ain.az saytını izləyin.
