ain.az xəbər verir, Qaynarinfo saytına əsaslanaraq.
xAI şirkəti "Grok AI" modellərinin hazırlanmasında iştirak edən komandanın genişmiqyaslı restrukturizasiyasını həyata keçirib.
Qaynarinfo xəbər verir ki bu barədə daxili yazışmalara istinadən "Business Insider" məlumat yayıb.
Nəşrin məlumatına görə, məlumatların strukturlaşdırılması və təsnifatı ilə məşğul olan ən azı 500 işçi ixtisar edilib. Dəyişikliklər strategiyaya yenidən baxılması ilə bağlıdır: "ümumi müəllimlər” əvəzinə şirkət yüksək ixtisaslaşmış mütəxəssislərdən ibarət heyət formalaşdırmağı planlaşdırır.
xAI həmçinin süni intellekt üzrə təlim komandasının sayını indiki tərkiblə müqayisədə dəfələrlə – on dəfə artırmaq niyyətini açıqlayıb.
Gələcək rolları bölüşdürməzdən əvvəl işçilərdən təbiət elmləri və proqramlaşdırmadan tutmuş maliyyə, tibbə, həmçinin chatbotların davranışı və təhlükəsizliyinin qiymətləndirilməsinə qədər geniş sahələri əhatə edən testlərdən keçmələri xahiş olunur.
xAI 2023-cü ildə İlon Mask tərəfindən qurulmuş, süni intellekt üçün informasiya infrastrukturu yaradan və generativ çatbot "Grok"u inkişaf etdirən şirkətdir. Xidmət X sosial şəbəkəsində (əvvəllər Twitter), ayrıca veb-saytda və mobil proqramda mövcuddur.
Aydın
Hadisənin gedişatını izləmək üçün ain.az saytında ən son yeniliklərə baxın.
