Ağdam rayonunda ağır yol-nəqliyyat hadisəsi baş verib.
Manset.az Qafqazinfo-ya istinadən xəbər verir ki, hadisə Bərdə-Ağdam magistralının Ağdam rayon ərazisində qeydə alınıb.
Belə ki, “Hyundai” markalı minik maşının traktora çırpılması nəticəsində üç nəfər xəsarət alıb.
Xəsarət alanlarla bağlı TƏBİB-dən bildirilib ki, 3 nəfər (kişi cinsli – red.) Bərdə Rayon Mərkəzi Xəstəxanasının Təcili tibbi yardım şöbəsinə hospitalizasiya olunub:
“Müxtəlif bədən xəsarətləri alan şəxslərə zəruri tibbi xidmətlər göstərilib. Müvafiq şöbələrdə müalicələri davam etdirilən pasiyentlərdən 1-nin vəziyyəti ağır, 2-nin vəziyyəti orta ağırdır”.
Qəzada xəsarət alanlar Əliyev Nəbi (sürücü), Əliyev Pərviz və Əmirov Mübarizdir.
Qeyd edək ki, xəsarət alanlar minik maşınının sürücüsü və onun sərnişinləridir.
