“Everton” “Mançester Siti”nin yarımmüdafiəçisi Cek Qrilişin tam transferində maraqlıdır.
Azreform.info xəbər verir ki, yayda “Everton”a bir illik icarə əsasında qoşulan cinah futbolçusu Devid Moyesin komandasında tez uyğunlaşıb və Premyer Liqanın ilk iki oyununda dörd məhsuldar ötürmə edib. Bu göstərici ona ayın ən yaxşı oyunçusu mükafatını qazandırıb.
Klublar arasında bağlanmış müqavilədə 50 milyon funt sterlinqə satınalma bəndi nəzərdə tutulub. Lakin bu rəqəm sabit deyil. “Everton” rəhbərliyi 30 yaşlı futbolçu mövsüm ərzində hazırkı formasını qoruyarsa, qiymətin azaldılması üçün danışıqlara başlamağa hazırdır.(publika.az)
