İsveçrənin ən böyük bankı UBS-in rəhbərliyi İsveçrə hökumətinin bankın kapitalı ilə bağlı tələblərini sərtləşdirməsi fonunda baş ofisini Sürixdən ABŞ-a köçürə bilər.
NOCOMMENT.az bildirir ki, bu barədə mənbələrə istinadən The New York Post (NYP) məlumat yayıb.
Onların sözlərinə görə, 162 yaşlı bankın rəhbərləri bu yaxınlarda ABŞ prezidenti Donald Trampın administrasiyasının rəsmiləri ilə görüşərək strategiyada Amerika bankının alınması və ya hətta birləşmənin daxil ola biləcəyi mümkün dəyişikliyə hazırlaşıblar. NYP görüşlə tanış olan ABŞ rəsmisindən sitat gətirib: “Bizim istədiyimiz budur”.
Qeyd olunur ki, İsveçrə hökumətinin bank kapitalına dair yeni tələbləri UBS-ni təhlükəsizlik yastığının ölçüsünü 26 milyard dollar artırmağa məcbur edəcək. UBS bu qaydalarla razılaşmır, çünki onlar beynəlxalq səviyyədə qeyri-mütənasib və uyğunsuzdur. Bank hazırda kapital artımını azaltmaq üçün İsveçrə tənzimləyiciləri ilə danışıqlar aparır.
