“Azad İstehlakçılar” İctimai Birliyi(AİİB) Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Tullantıların bələdiyyə - icma əsaslı idarə edilməsi modeli üzrə maarifləndirmə tədbirləri” layihəsinin icrasını uğurla başa çatdırmışdır.
QHT.az xəbər verir ki, bu barədə layihə rəhbəri Eyyub Hüseynov məlumat verib. Onun sözlərinə görə, layihə icrası zamanı, layihənin planına uyğun olaraq, öncə Beyləqan rayonunun Dünyamalılar, Kəbirli, Yuxarı Aran , Şəfəq icmalarının və Tərtər rayonunun Buruc. Kəbirli, Gülabatlı, Qaradağlı icmalarının hər birində 12-15 nəfərdən ibarət təşəbbüs qrupları yaradılmışdır
Hədəf qruplarının seçılməsındə aşağıdakı göstəricilər nəzərə alınmışdır:
- Liderlik və təşəbbüskarlıq bacarıqları (icmanın problemlərinə həssas yanaşan və dəyişikliklərə təşəbbüs göstərə bilən);
- İcma ilə yaxınlıq əlaqələri (yerli əhali ilə güclü əlaqələri olan şəxslər);
- Təcrübə və bilik səviyyəsi (ekoliji problemlər sahəsində məlumatı olan şəxslər və sair);
- Məsuliyyət və nüfuz;
- Müxtəliflik və təmsilçilik (qadınlar, gənclər, yaşlılar və həssas qruplar);
- Ekoloji maariflənmə ehtiyacı;
- Resursların idarə olunması bacarığı;
.
Daha sonra, 78 nəfər kişi və 22 nəfər qadın təmsilçidən ibarət 8 hədəf qrupun hər birinə “Tullantıların azaldılmasında “3R” prinsipi (Azaltma –Reduce, Təkrar istifadə-Reuse, Yenidən emal-Resycle) tətbiqinin əhəmiyyəti”, ”Kompostlaşma və orqanik tullantıların idarə edilməsində COP yanaşmalarından irəli gələn müvafiq meyarlara (Davamlılıq, İcmanın inkişafı, Ekoloji təsir və sair) üstünlük verilməsi” və “Tullantıların idarə olunmasında icma əsaslı yanaşmanın üstünlükləri” mövzularında 3 günlük təlim keçilmişdir.
Təlim zamanı məişət tullantılarının səmərəli idarə olunmasına dair zəruri məlumatlar təlimçi Nizami Musayev və Xəlil Süleymanov tərəfindən iştirakçılara çatdırılmışdır. İştirakçılar təlimlər zamanı müzakirələrə fəal şəkildə qoşulmuş və yerli ənənədən yanaşmaqla problemin həllinə dair öz fikirlərini də bölüşmüşlər. Təlimlər zamanı pre-post teslər vasitəsilə bacarıqların inkişafı da müəyyən olunmuşdur. Eyni zamanda təlim iştirakçıları təlimləri yüksək dərəcədə qiymətləndirmişlər.
Növbəti layihələrin praktiki tədbirə dair olmasını arzulayan hədəf qrup üzvləri özləri də bu problemin həllinə dəstək verməyə hazır olduqlarını bildirmişlər. Təlimlərin yekununda iştirakçılar Donora və AİİB-nə təşəkkürlərini bildirməklə, problemin həqiqətən aktual olduğunu qeyd etmişlər. Əldə olunan nəzəri biliklərin təlim almış şəxslər tərəfindən praktik fəaliyyətdə nəticələrinin olacağı barədə təlim iştirakçıları gələcək əməli fəaliyyətlərindəki planları barədə müzakirələr aparmışlar.
Layihənin icrası zamanı müvafiq Rayon İcra Hakimiyyəti,bələdiyyələr tədbirlərin yüksək səviyyədə və səmərəli keçməsi üçün yaxından köməklik göstərmişlər. Lahiyəyə dair müxtəlif KİV-lərdə 20-dən çox material dərc olunmuş,medya materialları FB səhifəsində və AİİB-in 14 rayon nümayəndəliyində paylanmışdır.
