İran təhlükəsi İsraildən kənarda Körfəz və Avropaya da yayılır.
APA xəbər verir ki, bunu ABŞ dövlət katibi Marko Rubio İsrail Baş naziri Benyamin Netanyahu ilə birgə mətbuat konfransında deyib.
Rubio Vaşinqtonun İrana maksimum təzyiqi davam etdirəcəyini deyib.
ABŞ dövlət katibi Tehranın təhdidinin İsraildən kənara, Körfəzə və hətta Avropaya da yayıldığı barədə xəbərdarlıq edib. O ABŞ-ın İsrailə dəstəyini davam etdirəcəyinə söz verib.
“İran təhlükəsi İsraildən kənarda Körfəz və Avropaya da yayılır. Biz İrana maksimum təzyiqlə davam edəcəyik. İran regionun və Avropanın sabitliyinə təhlükə yarada biləcək uzaqmənzilli raketlərə malikdir. Avropalı müttəfiqlərimizi İrana qarşı sanksiyalar tətbiq etməyə təşviq edirik.”.
Rubio qeyd edib ki, HAMAS regional sülh və təhlükəsizliyə təhdid yarada biləcək silahlı qüvvə kimi məhv edilməlidir.
“HAMAS artıq silahlı bir element kimi mövcudluğunu davam etdirə bilər”.
Rubio Qəzzada bütün israilli girovların azad edilməli olduğunu əlavə edib.
