GlobalInfo saytına istinadən ain.az xəbər verir.
Polşaya təhvil verilən Fransanın “Rafale” qırıcıları nüvə silahı daşımağa qadirdir.
Globalinfo.az bildirir ki, bu barədə “Defence24” nəşri məlumat yayıb.
Nüvə silahı daşıyıcıları üzrə ixtisaslaşan Sen-Dizier bazasının 4-cü bölməsindən iki nəfərlik təyyarənin ölkəyə gəldiyi dəqiqləşib.
Nəşrin məlumatına görə, mövcud fotoşəkillərdən göründüyü kimi, “Rafale” nüvə yükü olmadan gəlib. Bununla belə, bu barədə tam əminlik ola bilməz. Çünki Minsk-Mazowieckie bazasına A400M dəstək nəqliyyat təyyarəsi eniş edib.
Ötən gün Fransa prezidenti Emmanuel Makron bu ölkənin və Şərqi Avropanın digər əyalətlərinin hava məkanında patrulluq etmək üçün Polşaya üç “Rafale” qırıcısı göndərəcəyini açıqlayıb.
“Rusiyanın pilotsuz təyyarələrinin Polşaya daxil olmasından sonra mən NATO müttəfiqlərimizlə birlikdə Polşanın hava məkanını və Avropanın şərq cinahını müdafiə etmək üçün üç “Rafale” qırıcısını səfərbər etmək qərarına gəldim. Bu fikiri Polşanın baş naziri Donald Tuska dedim”, – Makron vurğulayıb.
Əliyar Xəlil
Globalinfo.az
Hadisənin gedişatını izləmək üçün ain.az saytında ən son yeniliklərə baxın.
