1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
2010-cu ilin yayında ABŞ-nin Nyu-York ştatının Bruklin bölgəsində yerləşən Red-Hukda qəribə və nadir bir hadisə baş verib - arılar qəfil qırmızı rəng alıblar. Daha maraqlısı isə o idi ki, pətəklərdəki bal adi kəhrəba rəngində yox, parlaq qırmızı olub. Bu sirrin cavabı yalnız 15 il sonra tapılıb.
Oxu.Az xəbər verir ki, məsələ barədə "IFLScience" nəşri məlumat yayıb.
Həmin vaxt hadisəni araşdırmaq istəyən arıçılar Tim Onil, Gita N. və Seriz Mayo "Added Value Red Hook" fermasında nümunələr toplayaraq dövlət qida laboratoriyasına göndəriblər.
Tim Onilin sözlərinə görə, arı fermasına gələndə hüceyrələrə girib-çıxan parlaq qırmızı, demək olar ki, flüoresan görünüşlü arılarla qarşılaşıblar:
"İlk baxışda bu, olduqca qorxulu təsir bağışlayırdı", - deyə o xatırlayıb.
Laboratoriya analizləri bal nümunələrində qida boyası olan "Red 40" maddəsini aşkar edib. Bu boyadan əsasən kokteyl gilaslarının hazırlanmasında istifadə olunur. Alimlər belə qənaətə gəliblər ki, arılar hər hansı yolla həmin gilasların və ya siroplarının saxlandığı anbarı taparaq ondan qidalanıblar.
Mütəxəssislərin sözlərinə görə, son illərdə belə hallar daha tez-tez müşahidə olunur. İndi pətəklərdə bəzən mavi və ya yaşıl rəngli bal yaranır, hətta bəzi hallarda bal nanə dadı alır.
