TBİLİSİ, 16 sentyabr. TELEQRAF
Gürcüstanda hakimiyyəti zorakılıqla dəyişməyə cəhd edən hər kəs qanun qarşısında cavab verəcək.
Teleqraf-ın yerli bürosu xəbər verir ki, bunu Gürcüstan parlamentinin sədri Şalva Papuaşvili jurnalistlərə açıqlamasında deyib.
Onun sözlərinə görə, Gürcüstanda hakimiyyəti devirmək istəyənlərin kənardan idarə olunduğu hamıya aydındır.
“Oktyabrın 5-də gürcü xalqı zorakılıqla hakimiyyət dəyişikliyi təşkil edənlərə layiqli cavabı mütləq vercək”, - spiker söyləyib.
Ş.Papuaşvili qeyd edib ki, ölkədə hakimiyyəti dəyişməyin yeganə demokratik yolu seçkilərdir:
“Hazırda mərkəzi hakimiyyətin dəyişdirilməsi üçün hər hansı bir seçki planlaşdırılmır”.
Qeyd edək ki, Gürcüstanda oktyabrın 4-də yerli seçkilər keçiriləcək. Müxalifət həmin günə “dinc inqilab”a nail olmaq məqsədilə Tbilisidə mitinq təyin edib.
