2025-ci ilin sonuna Azərbaycanın dövlət borcunun (xarici və daxili)25,4 milyard manat səviyyəsinə və ya proqnozlaşdırılan ÜDM-in 19,6 faizinə çatacağı gözlənilir.
Teleqraf Maliyyə Nazirliyinə istinadən xəbər verir ki, 2025-ci il 1 iyul tarixinə dövlət borcunun ÜDM-ə nisbəti 19,6 faiz təşkil etib.
“Azərbaycan Respublikasında dövlət borcunun idarə edilməsinə dair orta və uzun müddət üçün Strategiyanın 2022–2025-ci illər üzrə yenilənməsi çərçivəsi” ilə müəyyən edilən hədəflərə olunandəyişikliklərə əsasən,2025-ci ilin sonunadək dövlət borcunun ÜDM-ə nisbətinin yuxarı həddinin 30 faizdən aşağı səviyyədə saxlanılması, bu zaman xarici dövlət borcunun 10,0 milyard ABŞ dollarını üstələməməsi kimi hədəflər müəyyən edilib.
Ortamüddətli (2026-2029-cu illər) dövrün sonuna dövlət borcunun (xarici və daxili) ümumi məbləğinin 32 milyard manat səviyyəsinə çatacağı və 2029-cu il üzrə proqnozlaşdırılan ÜDM-in 19,8 faiz səviyyəsində olacağı gözlənilir.
