- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
Azərbaycan və BƏƏ münasibətləri: "Zəngəzur dəhlizi diqqətdədir"
Bu sözləri Demokrat.az-a açıqlamasında politoloq Oqtay Qasımov deyib.
O bildirib ki, Prezidentlərin qarşılıqlı səfərləri, beynəlxalq təşkilatlar çərçivəsində koordinasiyalı fəaliyyət və ortaq maraqlara əsaslanan əməkdaşlıq mühüm əhəmiyyət kəsb edir:
"Azərbaycan–BƏƏ münasibətlərinin göstəricilərindən biri də Azərbaycan və Ermənistan liderlərinin Vaşinqton görüşündən əvvəl məhz Əbu-Dabidə görüşməsidir. Bu fakt, iki ölkə arasındakı münasibətlərin regional proseslərə təsirini göstərir. Digər tərəfdən, əməkdaşlıq ticarət, iqtisadiyyat və enerji sahələrini əhatə edir. Dünyanın əsas investor ölkələrindən biri olan BƏƏ işğaldan azad edilən ərazilərə də sərmayə yatırır. Xüsusilə “Masdar” şirkətinin fəaliyyəti və BƏƏ rəhbərinin Qarabağa səfəri bu istiqamətdə verilən önəmin bariz nümunəsidir.
BƏƏ yalnız Azərbaycanla deyil, Ermənistan və Rusiya ilə də münasibətlərə malikdir. Bu isə Zəngəzur dəhlizi məsələsində BƏƏ-nin maraqlarını göstərir. Çünki dəhlizin açılması region ölkələri ilə yanaşı, BƏƏ-yə də geniş imkanlar təqdim edə bilər".
Əfsanə Kamal
Demokrat.az
