Ceyhunun avtomobili yandı

Cin ləqəbli müğənni Ceyhun Zeynalovun başına iş gəlib.

Axşam.az xəbər verir ki, sənətçinin avtomobili yanıb. Bu haqda aparıcı Zaur Kamal "Həmin Zaur" verilişində məlumat verib:

"Ceyhun, Allah səni bəd nəzərdən qorusun. Bu gün maşını yanırdı. Dedi ki, efirə gələ bilməyəcəyəm. Mən də elə bildim ki, elektrik avtomobilidir. Maşının içindən qaçıb ki, ona zərər gəlməsin".

Proqramda qonaq olan Ceyhun isə məsələni təsdiqləyərək "Elektrik naqillərində problem var idi. Şükür olsun ki, onu da aradan qaldırdıq" deyib.