Müəllif: Tamara Mustafayeva, Banco.az
"Nothing" adlı ağıllı telefon startapı "Tiger Global" investisiya şirkətinin rəhbərliyi ilə 200 milyon dollarlıq C Seriyası investisiya raundunu tamamladığını açıqlayıb.
Banco.azxəbər verir ki, bu raundla birlikdə 2020-ci ildə qurulan, Londonda yerləşən istehlakçı elektronikası şirkətinin dəyəri 1,3 milyard dollara çatıb.
Tura qatılan digər investorlar arasında "GV", "Highland Europe", "EQT", "Latitude", "I2BF" və "Tapestry" kimi investisiya şirkətləri yer alıb. Rəqabətli qiymətlərlə yüksək performanslı cihazları ilə tanınan çinli ağıllı telefon istehsalçısı "OnePlus"un həmtəsisçisi Carl Pei tərəfindən qurulan şirkət həmçinin Nikhil Kamat və "Qualcomm Ventures"dan yeni strateji dəstək alıb.
"Tiger Global"ın ortaq rəhbərlərindən Matt Uaçer açıqlamasında deyib: “Carl Pei və 'Nothing' komandası məhsullarını şəxsi texnologiyanın yeni dövrünə uyğunlaşdırmaq üçün avadanlıq və proqram təminatını süni intellekt dəstəkli interfeyslə yenidən dizayn edir. Süni intellekt əsaslı təcrübələrə öncülük edən bu qeyri-adi komanda ilə tərəfdaşlıq etməkdən həyəcan duyuruq.”
Şirkət yaxın zamanda yeni bir icma maliyyələşdirmə raundu açacağını da bəyan edib.
Bizi sosial şəbəkələrdən izləyin!!
