Xəbər verdiyimiz kimi, "Qarabağ" UEFA Çempionlar Liqasının əsas mərhələsində "Benfika"ya 3:2 hesabla qalib gəlib.
Gundem.az xəbər verir ki, Portuqaliyanın "Braqa" klubu oyunla bağlı "Qarabağ"a maraqlı video həsr edib.
"Braqa" klubu sosial media hesabında dünən baş tutan oyunla bağlı paylaşım edib.
Belə ki, videoda "Braqa" loqosunun qarşısında "I was Qarabağed" (Mən də Qarabağa uduzdum), "Benfika" loqosunda cavab olaraq isə "Me too" (mən də) sözləri yazılıb. Bununla da rəsmdəki iki obrazın ("Braqa" və "Benfika") ağlayaraq qucaqlaşdığı göstərilib.
Xatırladaq ki, ötən il "Qarabağ" UEFA Avropa Liqasının pley-off mərhələsində "Braqa"nı ümumi 6:5 hesabı ilə məğlub etmişdi.
