Bu ilin ilk 6 ayında qarşılıqlı xidmətlər dövriyyəsinin 27.9%-i nəqliyyat xidmətləri üzrə aparılan əməliyyatların payına düşür. Ümumi dəyəri 2.6 milyard olan nəqliyyat xidmətlərinin 66.5%-i qeyri-rezidentlərin Azərbaycanın nəqliyyat xidmətlərindən istifadəsi ilə əlaqədar olub.
Kommersant.az bu barədə Mərkəzi Banka istinadən xəbər verir.
Məlumata görə, Azərbaycan rezidentlərinin qeyri-rezidentlərə göstərdikləri nəqliyyat xidmətlərinin dəyəri 1.7 milyard dollar, qeyri-rezidentlərin Azərbaycan rezidentlərinə göstərdikləri nəqliyyat xidmətlərinin
dəyəri isə 866.1 milyon doar təşkil edib: "Dövr ərzində qeyri-neft-qaz sektoru üzrə nəqliyyat xidmətlərinin ixracı ötən ilin müvafiq dövrü ilə müqayisədə 29.5% artıb, idxalı isə 7.0% azalıb. Nəticədə nəqliyyat xidmətləri üzrə profisit 53.0% artaraq 856.4 milyon dollar olub".
"Nəqliyyat xidmətləri üzrə profisit 2024-cü ilin 6 ayında 559.8 milyon dollar təşkil edib", - deyə məlumatda əlavə edilib.
