1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Avstraliyada 400-dən az nümunəsi qalmış "gossia gonoclada" (mərsin növü) ağacını qorumaq üçün alimlər onun DNT-sini konservləşdirərək gələcəkdə bərpa etmək imkanını araşdırırlar.
Oxu.Az bu barədə "Live Science" portalına istinadla xəbər verir.
Bildirilir ki, bu ağacın yaşadığı quraq tropik meşələrdə su yolları boyunca yetişən mərsin, həm heyvanlar üçün qida mənbəyi, həm də çay sahələrinin sabitliyinə xidmət edir.
Son onilliklərdə yaşayış sahələrinin itirilməsi, qlobal istiləşmə və "mərsin pası" adlı təhlükəli göbələk ağacın sayını kəskin azaldıb. Buna görə də alimlər ənənəvi toxum metodundan istifadə etməyib, onun üzərindəki gövdə uclarını -196°C-də maye azotla dondururlar.
Krioprotektor həlləri hüceyrələri buz kristallarından qoruyur və gələcəkdə ağacın tam bərpasına imkan verir.
Bu metod yaxın qohum növ ətirli mərsində uğurla sınaqdan keçirilib: dondurulmuş uclar 100% sağ qalaraq yenidən ağaca çevrilə bilib. Alimlər indi "gossia gonoclada" üçün eyni nəticəni əldə etməyə çalışırlar, bunun üçün isə genetik müxtəlifliyin kifayətliliyini təmin etmək vacibdir.
