ain.az, Qaynarinfo portalına istinadən məlumat yayır.
Uğurlu rəhbərlərin komanda motivasiyasını artırmaq, işçilərin tükənmişliyini azaltmaq və kollektivdə qalma faizini yüksəltmək üçün istifadə etdikləri ən sadə üsullardan biri "təşəkkür” deməkdir.
Qaynarinfo-nun məlumatına görə, liderlik və məhsuldarlıq üzrə məsləhətçilər Ves Adams və Tamara Maylz "Inc." nəşrinə bildiriblər ki, işçilərə minnətdarlığın ifadəsi güclü, amma çox vaxt dəyəri bilinməyən bir idarəetmə alətidir.
"Gallup/WorkHuman" şirkətinin 2022-ci ildə keçirdiyi araşdırma göstərib ki, rəhbərlər əməkdaşlarına həftədə ən azı bir dəfə təşəkkür etdikdə, həm işdən çıxma, həm də yanma hallarının faizi 50-dən çox azalır. Lakin əksər işçilər rəhbərlərinin onları lazımi qədər dəyərləndirmədiyini bildirib. Bu səbəbdən onlar iş yerlərini tərk etməyə 74 faiz daha çox meylli olurlar.
Mütəxəssislərə görə, insanların psixologiyası əsasən neqativə yönəlmişdir. Bu səbəbdən menecerlər çox vaxt səhvləri göstərir, amma düzgün görülən işlərə görə minnətdarlıq etməyi unudurlar. Halbuki, kiçik bir "təşəkkür” belə böyük fərq yarada bilər.
Araşdırmalarda vurğulanır ki, hər işçiyə həftədə bir dəfə təşəkkür edilməsini təmin edən plan hazırlanmalıdır. Bu, ya xüsusi bir günün ayrılması, ya da təqvimdə qeyd aparmaqla reallaşdırıla bilər.
Minnətdarlığın təsirli olması üçün onun konkret şəxsə və konkret əməyə yönəlməsi vacibdir. Məsələn, sadəcə "Təşəkkürlər, əla” demək əvəzinə, "Bu marketinq planını bu qədər dəqiq hazırladığın üçün təşəkkür edirəm, bu işimizə böyük töhfə verdi” ifadəsi həm daha səmimi, həm də dəyərli olur.
Alimlər bildirirlər ki, təşəkkür həqiqi olduqda əməkdaşların motivasiyası yüksəlir və bu, tənqidi rəylə birlikdə balanslı yanaşmanı formalaşdırır.
Aydın
Sonrakı hadisələr barədə daha çox məlumat almaq üçün ain.az saytını izləyin.
