Alimlər qədim insanların bəzək əşyalarında xüsusi seçim etdiklərini aşkarlayıblar.
Hafta.az xəbər verir ki, tədqiqat İspaniyanın El-Tesoro və Kueva-del-Oyo-de-la-Mina mağaralarında tapılan 37 fraqment üzərində aparılıb. Bildirilir ki, tapıntılar 5,3-3,6 milyon il əvvəlki dövrə aiddir və ehtimal ki, Malaqa sahillərindən toplanıb.
Alimlər vurğulayıblar ki, ərazidə yaşayan qədim insanlar bəzək üçün daşlaşmış balıqqulaqlarını istifadə edərkən yalnız iki konkret molyusk növünü - "Paradentalium inaequale" və "Paradentalium sexangulum" seçiblər. Balıqqulaqları cilalanıb, qırmızı oxra ilə boyanıb, dekorativ və bəlkə də ritual məqsəd üçün hazırlanıb.
Tədqiqatçılar qeyd edirlər ki, qədim insanlar daş dövründə fosillər toplayır, bəzən bunu həm faydalı, həm də simvolik məqsədlər üçün edirdilər. Alimlər Avropada belə əşyaların uzaq məsafələrə qədər ticarət olunduğunu qeyd edirlər. Maraqlısı budur ki, neandertallar də fosil toplayan ilk insanlar arasında ola bilərdilər - bunu İspaniyanın şimalında tapılan dəniz qabıqları göstərir. Bəzi fosillər isə sadəcə uşaqların əyləncəsi üçün yığılmış ola bilər. /gazeta.ru/
