Reyting.az portalından verilən məlumata görə, ain.az xəbər yayır.
Nəhəng göydələn böyüklüyündə olan asteroid sentyabrın 18-də Yerin çox yaxınlığından keçəcək. “2025 FA22” adlandırılan bu nəhəng asteroid saatda 38 624 kilometr sürətlə hərəkət edir və diametri 130 ilə 290 metr arasındadır.Reyting.az xəbər verir ki, “2025 FA22” Yer kürəsini vuracağı təqdirdə böyük bir şəhəri və ətraf əraziləri məhv edə bilər. Üstəlik, potensial olaraq meşə yanğınları və sunamilər törətməsi mümkündür.Bununla belə, NASA və Avropa Kosmik Agentliyi (ESA) cari ölçmələrə əsasən, heç bir zərbə riskinin olmadığını və asteroidin artıq risk siyahısından çıxarıldığını açıqlayıb. ESA tədqiqatçıları, “Bu ölçüdə təsirlər nadirdir, lakin təsirlər dağıdıcı ola bilər”,- fikrini də qeyd edirlər.“2025 FA22” mart ayında Havayda ixtisaslaşmış teleskopla kəşf edilib və ESA-nın potensial təhlükəli asteroidlər siyahısına əlavə olunub. İnsanlar bu nəhəng asteroidi adi gözlə görə bilməsə də, güclü teleskop və ya durbin istifadə edən astronomlar onu ulduzlar arasında zəif nöqtə kimi müşahidə edə biləcəklər.Qeyd edək ki, asteroidlər milyardlarla il əvvəl əmələ gələn və Günəş ətrafında fırlanan qayalı strukturlardır. NASA-nın məlumatına görə, Günəş sistemində 1,3 milyondan çox meteoroid var və onlardan 30 mindən çoxu Yerə yaxın obyektlər kimi təsnif edilib.V. QULİYEV
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
