Olaylar.az xəbər verir ki, bu barədə Ermənistanın baş naziri Nikol Paşinyan bu gün jurnalistlərə açıqlama verib.
Paşinyan bildirib ki, 2025-ci ilin avqustunda Çinlə strateji tərəfdaşlığın qurulması hökumətin xarici siyasətdə əldə etdiyi mühüm nailiyyətlərdən biridir.
"Ölkələrimizin işgüzar dairələri iqtisadiyyat və digər sahələrdə əməkdaşlığın dərinləşməsi üçün müsbət siyasi təkan qazanıblar. Tərəfdaşlarımız bu imkanlardan yararlanmalıdırlar", - baş nazir deyib.
O əlavə edib ki, məsafə və nəqliyyat məhdudiyyətlərinə baxmayaraq, regional infrastrukturun blokdan çıxarılması bu problemlərin əksərini aradan qaldıra bilər.
"Bu, yüklərin dəmir yolu vasitəsilə Çinə daşınması imkanlarını açacaq. Bu isə tamamilə yeni iqtisadi vəziyyətdir", - Paşinyan vurğulayıb. (musavat.com)
