Tatarıstan Respublikasının müftisi Kamil Samiqullin Qazaxıstan Prezidentinin süni intellektin inkişafı ilə bağlı Etika Komissiyasının yaradılması təklifini şərh edib.
Bizim.Media xəbər verir ki, bu barədə Kazinform yazıb.
Onun sözlərinə görə, bu, mühüm təşəbbüsdür, çünki süni intellekt bu gün gəncləri və müasir insanın düşüncələrini narahat edir.
“Mən internetin aktiv istifadəçisiyəm, süni intellektlə işləməyə də cəhdlərim olub. Əgər onu əlavə vasitə kimi istifadə etsən, faydalı ola bilər. Amma çox vaxt biz ayə soruşanda o, nəsə uydurur və əlavə edir. Mən Quranı əzbər öyrəndiyim üçün dərhal görürəm ki, bəzi sözləri dəyişir. Bu isə insanı düşündürür və narahat edir,” – deyə Kamil Samiqullin Astanada keçirilən Dünya və ənənəvi dinlər liderlərinin Qurultayında jurnalistlərə bildirib.
Müfti əlavə edib ki, dini mövzularda süni intellektdən cavab almaq yolverilməzdir.
“Əxlaqi normalar İslam baxımından artıq formalaşıb. Amma bu gün biz müxtəlif dini cərəyanların meydanından danışırıq. Bütün dinləri birləşdirən müəyyən qaydalar var,” – deyə o vurğulayıb.
Xatırladaq ki, bundan əvvəl Qazaxıstan Prezidenti Kasım-Jomart Tokayev Astanada keçirilən Dünya və ənənəvi dinlər liderlərinin VIII Qurultayında süni intellekt alqoritmləri üçün xüsusi “əmrlərin” hazırlanmasını təklif etmişdi.
Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
