Azərbaycanı minifutbol üzrə Çempionlar Liqasında təmsil edən “Aznur” komandası qrup mərhələsində növbəti oyununu keçirib.
90deqiqe.Az-ın məlumatına görə, G qrupunda mübarizə aparan kollektiv İspaniyanın “Ovyedo” klubu ilə qarşılaşıb. Rəcəb Fərəczadənin başçılıq etdiyi komanda rəqibini 3:1 hesabı ilə məğlub edərək turnirdə ilk qələbəsini qazanıb.
Qeyd edək ki, “Aznur” ötən gün Çexiyanın “Hoverla Zak Praqa” komandası ilə üz-üzə gəlmiş və görüş 1:1 hesablı bərabərliklə başa çatmışdı.
