Müəllif: Tamara Mustafayeva, Banco.az
Avropa İttifaqı (Aİ) bu həftə Rusiyaya qarşı yeni sanksiyalar açıqlayacaq.
Banco.azxəbər verir ki, Məsələyə yaxın mənbələrin verdiyi məlumata görə, Avropa İttifaqı Avropa Komissiyasının sədri Ursula fon der Leyen ilə ABŞ prezidenti Donald Tramp arasında baş tutan telefon danışığının ardından, Rusiyaya qarşı yeni sanksiya paketini cümə günü üzv ölkələrə təqdim etməyi planlaşdırır.
Fon der Leyen çərşənbə axşamı görüşdən sonra verdiyi açıqlamada Rusiyanın Ukraynanı işğalından bəri 19-cu olacaq paketin kriptovalyuta, bankçılıq və enerji sektorlarını hədəf alacağını bildirib.
Bundan əlavə, Fon der Leyen Tramp ilə Rusiyaya qarşı iqtisadi təzyiqi əlavə tədbirlərlə artırmaq məqsədilə Aİ ölkələri ilə ortaq səyləri gücləndirmək barədə yaxşı bir görüş keçirdiyini də vurğulayıb.
Aİ ölkələrinin çoxu 2027-ci ilin sonuna qədər Rusiyanın bütün qalıq yanacaq idxalını mərhələli şəkildə dayandırmağı öhdəsinə götürüb. Fon der Leyen isə bu müddətin daha da qısaldılmasını istədiyini bildirib.
Bizi sosial şəbəkələrdən izləyin!!
