ain.az, Modern.az saytından verilən məlumata əsaslanaraq xəbər yayır.
ABŞ Prezidenti Donald Trampın Baqram aviabazasına qayıtmaq planı ölkənin Əfqanıstana faktiki olaraq yenidən qoşun yeritməsi ilə nəticələnə bilər.
Modern.az xəbər verir ki, bu barədə "Reuters" yazıb.
Məlumata görə, Baqram bazasının yenidən fəaliyyətə başlaması üçün 10 minədək ABŞ hərbçisinin yerləşdirilməsi və müasir hava hücumundan müdafiə sistemlərinin qurulması tələb olunur.
Tramp aviabazaya qayıdışın yalnız Taliban hərəkatının razılığı ilə mümkün olacağını deyib. Lakin belə bir razılaşmanın necə əldə olunacağı hələ də məlum deyil. Bu isə Taliban üçün prinsipial mövqenin dəyişməsi demək olacaq, çünki hərəkat illərlə ABŞ qüvvələrinin ölkədən çıxarılması uğrunda mübarizə aparıb.
Ekspertlər qeyd edirlər ki, Taliban razılıq versə belə, bazanın təhlükəsizliyinin təmin edilməsi çətin olacaq. Bu, həm İŞİD və “Əl-Qaidə” kimi qruplardan gələn təhdidlər, həm də İran tərəfindən mümkün raket hücumları ilə bağlıdır.
Xatırladaq ki, 2001–2021-ci illərdə Baqram aerodromu ABŞ-ın rəhbərlik etdiyi beynəlxalq koalisiyanın Əfqanıstandakı ən böyük bazası olub. ABŞ qüvvələri 2021-ci ilin iyulunda bazanı tərk etmiş, avqustda isə Taliban oranı ələ keçirmişdi.
Tramp isə son açıqlamasında Baqramın “Çinin nüvə silahı istehsal etdiyi ərazilərdən bir saatlıq məsafədə yerləşdiyini” deyərək bu addımı “kiçik sensasiya” adlandırıb.
Sonrakı hadisələr barədə daha çox məlumat almaq üçün ain.az saytını izləyin.
