Ukrayna Silahlı Qüvvələrinin Xüsusi Təyinatlı Qüvvələri Rusiyanın Kursk vilayətində yerləşən 810-cu dəniz piyadaları briqadasının logistik mərkəzinə (hub) zərbə endirib.
Xezerxeber.az xəbər verir ki, bu barədə Xüsusi Təyinatlı Qüvvələrin “Facebook” səhifəsində məlumat yayıb.
Məlumata görə, zərbə nəticəsində briqadanın maddi-texniki təminat bazası, sursat anbarları, silah və hərbi texnikanın gizli saxlanıldığı anqarlar məhv edilib.
Bildirilir ki, Krımın işğal olunmuş Sevastopol şəhərində dislokasiya olunan 810-cu dəniz piyadaları briqadası Ukraynanın Şimal-Sloboyansk istiqamətində aparılan hücum əməliyyatlarında fəal iştirak edir.
Bundan əlavə, bu briqadanın şəxsi heyətinin ukraynalı əsirlərin edamı da daxil olmaqla hərbi cinayətlər törətdiyi bildirilir.
