Slovakiyanın baş naziri Robert Fikonun həyatına 2024-cü ilin mayında edilən sui-qəsd anında yanında olan mühafizəçilərin ifadələri məhkəmədə dinlənilib.
Bu barədə Slovakiya qəzeti Pravda məlumat yayıb.
“Məhkəmədə baş nazir Robert Fikonun üç mühafizəçisi ifadə verib və onların hamısının dedikləri demək olar ki, eyni olub. Günün ikinci yarısında isə sui-qəsdi kamerasına çəkən yerli televiziya rəhbəri ifadə verməlidir”, – deyə nəşrin məlumatında qeyd olunub.
Mühafizəçilərdən birinin sözlərinə görə, atəş onlar baş nazir ilə birlikdə sədlərə doğru gedərkən açılıb. O əlavə edib ki, həmin an həm özü, həm də həmkarları çaşqın vəziyyətdə qalıb. Təhlükəsizlik tədbirlərinin konkret prosedurlarını isə “taktiki səbəblərə görə” açıqlamayıb.
