Kabul ABŞ-ın Əfqanıstanda hərbi iştirakını bərpa etməsinə imkan verməyəcək.
NOCOMMENT.az xəbər verir ki, Bunu Əfqanıstan Xarici İşlər Nazirliyinin nümayəndəsi Zakir Calali özünün X sosial media səhifəsində bildirib.
“Əfqanıstan və ABŞ bir-biri ilə əməkdaşlığa ehtiyac duyur və ABŞ-ın Əfqanıstanın hər hansı bir hissəsində hərbi iştirakı olmadan qarşılıqlı hörmət və ümumi maraqlar əsasında iqtisadi və siyasi əlaqələr qura bilərlər”, – o vurğulayıb.
Sentyabrın 19-da “Reuters” öz mənbələrinə istinadən yazıb ki, ABŞ prezidenti Donald Trampın Əfqanıstandakı Baqram aviabazasını qaytarmaq barədə açıqlaması ABŞ-ın bu ölkəyə yeni müdaxiləsinə səbəb ola bilər.
