Cebheinfo portalından əldə olunan məlumata əsasən, ain.az xəbər verir.
Suriya keçid hökumətinin Prezidenti Əhməd əş-Şaraa ABŞ-ın vasitəçiliyi ilə İsraillə danışıqlarda razılığa gəlməyə yaxın olduqlarını deyib.
“Cebheinfo.az”-ın məlumatına görə, Əhməd əş-Şaraa bu barədə Türkiyənin “Milliyet” qəzetinə müsahibəsində açıqlama verib.
Onun sözlərinə görə, yaxın vaxtlarda Suriya və İsrail arasında 1974-cü ildə olduğu kimi bir razılaşma imzalana bilər.
Lakin Suriya Prezidenti bildirib ki, bu sənəd heç bir halda Təl-Əvivlə münasibətlərin normallaşdırılmasını nəzərdə tutmur:
“Suriya necə döyüşəcəyini bilir, amma daha müharibə istəmir”, - deyə Əhməd əş-Şaraa qeyd edib.
O əlavə edib ki, Suriyanın Əs-Suveyda şəhərində baş verən son iğtişaşlar İsraillə danışıqların başa çatmaq üzrə olduğu bir vaxtda qəsdən qurulmuş “tələ”dir.
Qətərə son hücumdan sonra aparılan danışıqlardan danışan Əhməd əş-Şaraa deyib:
“Əgər sual belədirsə ki, mən İsrailə güvənirəm, ya yox, cavab budur: mən ona etibar etmirəm”.
O bildirib ki, İsrailin Suriya prezident sarayına və müdafiə nazirliyinə hücumu müharibə elan etməyə bərabərdir.
Eyni zamanda, o vurğulayıb ki, İsraillə təhlükəsizlik razılaşmasına sadiqliyi sual altında qalsa da belə, sazişin əldə olunması qaçılmazdır.
Müşfiq Abdulla
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Daha ətraflı məlumat və yeniliklər üçün ain.az saytını izləyin.
