Bir vaxtlar hər evdə əsas element sayılan ənənəvi hamam ayaqaltıları getdikcə populyarlığını itirir.
News24.az xəbər verir ki, insanlar indi daha rahat təmizlənən, gigiyenik və interyerə uyğunlaşan alternativlərə üstünlük verirlər.
Mütəxəssislərin sözlərinə görə, tüklü xalçalardan imtinanın əsas səbəbləri sadədir: onlar nəm toplayır, mikroblar üçün əlverişli mühit yaradır, tez-tez yuyulma tələb edir, rəng və formasını itirir, həmçinin allergiyaya səbəb ola bilər.
Hazırda ən çox seçilən variantlar arasında sürüşməyən keramik plitələr, tikişsiz mikrosement, suyu udmayan təbii daş və yeni nəsil tez quruyan mikrofiber, yaddaş köpüyü və silikon əsaslı kilimlər var.
Eyni zamanda, ekoloji təmiz materiallardan hazırlanmış bambuk, jüt və dəniz yosunu məhsullarına maraq artır. Təhlükəsizlik baxımından sürüşməyə qarşı yastıqlar, qızdırılan döşəmələr və masaj funksiyalı modellər də geniş yayılıb.
Aqil
