ABŞ prezidenti Donald Tramp varlı əcnəbilər üçün yeni viza proqramı təqdim edib.
Bizim.Media xəbər verir ki, bu proqram çərçivəsində müxtəlif məbləğlər qarşılığında ABŞ-də yaşamaq üçün icazə (VNH) almaq mümkün olacaq.
Belə ki, 1 milyon dollara fiziki şəxslər üçün nəzərdə tutulan “qızıl kart” əldə edilə bilər. Bu kart ABŞ-də yaşamaq icazəsini sürətləndirilmiş şəkildə almaq hüququ verir.
5 milyon dollara isə genişləndirilmiş VNH təqdim olunur. Bu kart ABŞ-da ildə 270 günə qədər vergi ödəmədən yaşamaq imkanı yaradır.
Trampın fikrincə, bu kartların potensial alıcılarının sayı təxminən bir milyon nəfər olacaq.
Bizim.Media
