İsrail qüvvələri Suriyanın cənubundakı Əl-Kuneytra əyalətinə daxil olaraq, Əs-Samdaniya kəndində təmizləmə əməliyyatı həyata keçirib.
AFN.az "Syria" TV-yə istinadən xəbər verir ki, İsrail ordusunun mexanizasiya olunmuş patrul dəstəsi kəndin girişində post qurub və bir neçə mülki avtomobili yoxlayıb.
19 sentyabr axşamı kanalın məlumatına görə, dörd zirehli maşından ibarət kolonna Cənubi Deraa əyalətinə daxil olub və orada reyd keçirib.
12 sentyabrda Suriya prezidenti Əhməd əş-Şaraa televiziya müsahibəsində bildirib ki, Dəməşq İsrailin 2024-cü ilin dekabrından davam edən cənub bölgələrinə müdaxilələrini sona çatdırmaq istəyir. Prezident əlavə edib ki, yaxın günlərdə Suriyanın İsraillə təhlükəsizlik sazişi imzalaması mümkündür və bu saziş 1974-cü il Qolan yüksəkliyindəki ayrılma razılaşmasına bənzəyəcək.
