AZTV-nin sabiq sədri Məmməd Murad vəfat edib. Avtosfer.az xəbər verir ki, bu barədə Azərbaycan Kinematoqrafçılar İttifaqı məlumat yayıb. “Azərbaycan Kinematoqrafçılar İttifaqının üzvü, ittifaqın çətin günlərində daim yanında olmuş, AZTV-nin keçmiş sədri Məmməd Murad dünyasını dəyişib. Məmməd Murad televiziyaya sədrlik etdiyi dövrdə (1991-1992) neçə-neçə uğurlu layihələr həyata keçirməklə yanaşı, bir sıra reformalara da imza atıb. AKİ adından mərhumun ailəsinə və yaxınlarına dərin hüznlə başsağlığı veririk. Allah rəhmət eləsin”, - məlumatda qeyd edilib.
