“Red Bull” pilotu Yuki Tsunoda Bakıda keçirilən sıralama turunda 6-cı yeri tutduqdan sonra çıxışını dəyərləndirib:
90deqiqe.Az-ın məlumatına görə, təcrübəli çalışdırcı bu barədə komandanın mətbuat xidmətinə açıqlamasında bildirib.
“Bu gün komanda ilə keçirdiyim ən yaxşı sıralama nəticəsi oldu və bu, doğru istiqamətdə irəlilədiyimizi göstərən çox yaxşı işarədir. Sessiyanı təmiz sürə bildiyimə görə şadam, çünki bu dəfəki sıralama fasilələr və dəyişkən hava şəraiti səbəbindən həqiqətən xaotik keçdi. Bakıda sürmək həmişə fərqlidir – cəmi bir neçə millimetr nəticəni dəyişə bilər və hər zaman sarı və ya qırmızı bayraq riski var.
Bundan əlavə, küləklə mübarizə aparmaq lazım idi, bu da müəyyən çətinliklər yaratdı. İlk seqmentdən etibarən hər dövrəni diqqətlə sürürdüm və rəqabət qabiliyyətimi qoruyurdum ki, bu da çox yaxşı idi. Üçüncü seqmentin son dövrəsində hər şeyi bir araya gətirmək çətin oldu, amma nəticədə 6-cı yerlə kifayətlənirəm. Mən və komanda sürəti artırmaq üçün çox çalışdıq, maşına etdiyimiz dəyişikliklər bizə əhəmiyyətli dərəcədə kömək etdi.
Həmçinin simulyatorda çox işlədim və görünür ki, artıq nəticələri görməyə başlamışıq. Sabahkı gərgin mübarizəni səbirsizliklə gözləyirəm. Məşqlərdə uzun seriyalar çox ümidverici idi, buna görə də bu həftəsonu gördüyümüz işin bəhrəsini almaq istəyirik”
