Saglamolun saytından alınan məlumata görə, ain.az bildirir.
REKORD HƏDD ABŞ-da son 25 ildə alkoqol istifadəsi nəticəsində ölüm hallarında ciddi artım qeydə alınıb. Kaliforniya Universitetinin alimləri tərəfindən aparılan araşdırmaya görə, 2024-cü ildə alkoqolla bağlı ölüm göstəriciləri 1999-cu illə müqayisədə demək olar ki, 2 dəfə artıb.Ən kəskin artım COVID-19 pandemiyası dövründə (2019–2021) baş verib. Pandemiya zamanı insanlar sosial təcrid, stress və müalicə imkanlarının azalması səbəbilə daha çox alkoqol istifadə etməyə başlayıb.Ən yüksək ölüm göstəricisi 2021-ci ildə qeydə alınıb. Bu il ərzində 54 258 nəfər alkoqolla bağlı səbəblərdən həyatını itirib. Ölüm halları əsasən qaraciyər xəstəlikləri və psixi pozuntular səbəbindən baş verib. Ən çox artım 25–34 yaşlı qadınlar arasında olub – bu yaş qrupunda ölüm göstəricisi 255% artıb. Kişilər arasında isə eyni yaş qrupunda artım 188% təşkil edib.Araşdırma müəllifləri bildirir ki, bu statistika alkoqoldan qaynaqlanan bütün xroniki xəstəlikləri əhatə etmir. Alimlər alkoqol istifadəsinin azaldılması və müalicəyə çıxışın artırılması üçün təcili tədbirlərin görülməsini tövsiyə edir.
Saglamolun.Az
Daha ətraflı məlumat və yeniliklər üçün ain.az saytını izləyin.
