...Macarıstanın baş naziri Viktor Orban ölkənin müstəqil inkişaf yolu tutmasının zəruriliyindən danışaraq, Qərb ölkələrinin artıq örnək ola bilməyəcəyini qeyd edib.
O, müasir Avropa İttifaqının borc və miqrasiya böhranı, eləcə də siyasi çətinliklərlə üzləşdiyini, Macarıstanın isə ənənəvi dəyərləri, ailə siyasətini və işçilərə dəstəyi vurğuladığını qiymətləndirib.
SİA-nın məlumatına görə, Orban X sosial media hesabında Avrasiya ölkələrinin gələcəkdə qlobal siyasətdə əsas rol oynayacağını vurğulayıb.O, həmçinin Avropa İttifaqının iqtisadi mövqeyini itirdiyi və parçalanma təhlükəsi ilə üzləşdiyi üçün Avropanın ABŞ vasitəsilə deyil, birbaşa Rusiya ilə təhlükəsizlik məsələlərini müzakirə etməsini təklif edib.
Macarıstanın baş naziri ölkələri inteqrasiya səviyyəsinə görə dörd “dairə”yə bölmək yolu ilə Avropa İttifaqında islahatların aparılmasını təklif etdi: ölkələr yalnız hərbi və enerji təhlükəsizliyi məsələlərində əməkdaşlıq edəcək, ikinci dairə ümumi bazara, üçüncü dairə ortaq valyutaya, dördüncü dairə isə siyasi birliyə can atacaq.
...Bundan əvvəl mediada yayılan xəbərlər Trampın Orbanın Ukraynanın Avropaya inteqrasiyası ilə bağlı qərarına təsirini üzə çıxarmışdı.
Həmçinin sentyabrın əvvəlində Macarıstan Qərb ölkələrindən uzunmüddətli qaz tədarükü üçün ən böyük müqavilə imzaladı.
Əli Babayev
