“Roma”nın yarımmüdafiəçisi Lorenso Pelleqrini İtaliya A Seriyasının V turunda “Latsio” üzərində 1:0 hesablı qələbə barədə fikirlərini bölüşüb.
90deqiqe.Az xəbər verir ki, "DAZN" futbolçunun dediklərini belə çatdırıb.
“Həyat proqnozlaşdırıla bilməz. Heç kim bilmir, nə baş verəcək. Mən komandanı tərk etmək həddində idim, zədə aldım, sonra geri qayıdıb derbini qazanmaq üçün qol vurdum. İndi isə qolu Cənub tribunası yaxınlığında azarkeşlərə yaxın qeyd etmək istərdim. Doğrusu, qol harada vurulsa da yaxşıdır – cənub, şimal, hətta yan tribunalar, əgər orada tor quraşdırılarsa!”
Qeyd edək ki, o, matçdakı yeganə qolun müəllifi olub.Bu nəticədən sonra “Roma” 9 xalla 4-cü, “Latsio” isə 3 xalla 14-cü pillədə qərarlaşıb.
