Sportinfo.az xəbər verir ki, Azərbaycan Prezidenti İlham Əliyev və Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan Cıdır düzündə Qarabağ atlarının şousunu izləyiblər.
Həmin günün gecəsi “Qarabağ” Çempionlar Liqasının əsas mərhələsində ilk matçında “Benfika” (Portuqaliya) üzərində fantastik qələbə qazanıb.
“Köhlən atlar” 2:0 geri olduqları oyundan sözün əsl mənasında şou göstərərək qalib ayrılmağı bacarıb.
Bunun ardınca UEFA-nın rəsmi səhifəsi, eləcə də dünya mediası “Qarabağ”ın möhtəşəm geridönüşünü müxtəlif başlıqlarla tirajlayıb.
