“Çelsi” “Milan”ın qapıçısı Mayk Menyanla maraqlanır.
"Operativ Məlumat Mərkəzi-OMM" xəbər verir ki, fransalı qolkiper ötən yay da “Mavilərin” transfer hədəfi olub, lakin klublar razılığa gələ bilməmişdi.
İngilis mətbuatının məlumatına görə, “Mançester Yunayted”lə oyunda qapıçı Robert Sançesin erkən qırmızı vərəqə alması klub rəhbərliyini Menyan transferi barədə yenidən düşündürüb.
30 yaşlı futbolçunun “Milan”la müqaviləsi 2026-cı ildə başa çatır. O, gələn ilin yanvarından etibarən digər klublarla danışıqlara başlaya bilər.
