İsrailin pilotsuz uçuş aparatlarının Livanın cənubuna endirdiyi zərbələr nəticəsində üçü uşaq olmaqla 5 nəfər ölüb.
APA xəbər verir ki, bu barədə Livanın səhiyyə nazirliyi bildirib.
Məlumata görə, hücum zamanı daha iki nəfər isə yaralanıb.
Livan Parlament sədri Nəbih Berri aviazərbələrdə ABŞ vətəndaşı olan ata və üç övladı həlak olduğunu bildirib.
Onun sözlərinə görə, uşaqların anasının isə vəziyyəti ağırdır.
İsrail ordusu isə açıqlamasında hücumun Hizbullah üzvünü hədəf aldığını bildirib.
