.webp)
BAKI, 22 sentyabr. TELEQRAF
“Azərbaycan və Ermənistan cəmiyyətləri münaqişənin əleyhinədir və münasibətlərin normallaşması prosesinə başlamağa hazırdır”.
Teleqraf xəbər verir ki, bu barədə Topçubaşov Mərkəzinin direktor müavini Murad Muradov İrəvanda jurnalistlərə açıqlamasında deyib.
“Münasibətlərin nə qədər mehriban olacağını gələcək göstərəcək”, - o vurğulayıb.
İki ölkə arasında anklavlar məsələsinin həlli ilə bağlı suala cavabında Muradov qeyd edib ki, bu məsələ zamanla müəyyən ərazilərin dəyişdirilməsi yolu ilə həll oluna bilər.
“Ümumiyyətlə, deyə bilərik ki, həm Ermənistan, həm də Azərbaycan bir-birinin ərazi bütövlüyünü tanıyır”, - ekspert əlavə edib.
Xatırladaq ki, Türkiyə və Azərbaycandan olan nümayəndə heyətləri NATO Parlament Assambleyasının 22-23 sentyabr tarixlərində İrəvanda keçirilən seminarında iştirak edirlər.
