ain.az, Bizimyol portalına istinadən məlumat verir.
Oktyabrın 7-də hücumda iştirak edən Həmas Hərbi Dəniz Qüvvələri komandirinin müavini Qəzzanın mərkəzində son hava hücumu nəticəsində öldürülüb.
Bizimyol.info xəbər verir ki, İsrail Hərbi Hava Qüvvələri İyad Əbu Yusifə zərbəni Dəniz Kəşfiyyat İdarəsi və Hərbi Kəşfiyyat İdarəsi tərəfindən verilən kəşfiyyat məlumatları əsasında həyata keçirib.
İsrail Müdafiə Qüvvələri bəyan edib ki, Əbu Yusif 2023-cü il oktyabrın 7-də İsrailə hücum edən qüvvələrə rəhbərlik edənlərdən biri olub. Müharibə zamanı o, İsrail qüvvələrinə qarşı pusqular planlaşdırıb və Həmas aktivlərinin təhlükəsizliyini təmin edib.
“Onun öldürülməsi qüvvələrimiz haqqında kəşfiyyat məlumatlarının toplanması və təşkilatın hərbi qanadının dəniz məkanının monitorinqi üçün istifadə edilən Həmas Hərbi Dəniz Polisinin imkanlarına ciddi zərbə vurur”, - deyə hərbçilər əlavə ediblər.
İsrail Müdafiə Qüvvələri Əbu Yusifin öldürüldüyü hava hücumunun görüntülərini yayıb.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
