Ukrayna ordusunun Moskvaya kütləvi dron hücumu davam edir.
APA-nın Rusiya bürosu xəbər verir ki, bu barədə Moskva meri Sergey Sobyanin bildirib.
Onun sözlərinə görə, Moskva istiqamətində uçan pilotsuz uçuş aparatlarından 14-ü məhv edilib.
***
21:03
Rusiyanın HHM qüvvələri Moskvaya hücum edən 7 PUA-nı məhv edib.
Sherg.az xəbər verir ki, bu barədə Moskva meri Sergey Sobyanin bildirib.
"Müdafiə Nazirliyinin hava hücumundan müdafiə qüvvələri Moskvaya hücum edən 7 pilotsuz uçuş aparatını məhv edib. İlkin məlumata görə, heç bir ziyan dəyməyib", - meriyanın Teleqram kanalında dərc olunan bəyanatda deyilir.
***
20:47
Moskva vilayəti Ukrayna dronlarının hücumuna məruz qalıb.
Sherg.az xəbər verir ki, Odintsovo rayonunun sakinləri, eləcə də paytaxtın Konkovo, Kuzminki, Çertanovo və digər mərkəzi rayonlarında yaşayanlar bir-birinin ardınca partlayış səsləri eşidildiyini bildiriblər. Sakinlərin sözlərinə görə, bu səslərin sayı azı 10-dan çox olub.
Partlayış səsləri haqqında məlumatlar Zelenoqrad və Naxabino ərazilərindən də gəlir.
